Avaliacións do PO FSE Emprego Xuvenil 2014-2020
Durante o período de programación as autoridades de xestión deberán realizar avaliacións de cada programa, en especial para estimar a súa eficacia, eficiencia e impacto, de acordo co plan de avaliación establecido, debendo avaliarse, como mínimo unha vez, o xeito en que os Fondos do Marco Estratéxico Común contribuíron aos obxectivos de cada prioridade, en concordancia co establecido no Regulamento (UE) Nº 1303/2013 do Parlamento Europeo e do Consello de 17 de decembro de 2013.
De face ao período 2014-2020 a Comisión Europea impulsa a actividade de avaliación a nivel rexional, nacional e comunitario, especialmente para coñecer o impacto da Política de Cohesión sobre o benestar económico, social e medioambiental dos cidadáns.
As avaliacións serán levadas a cabo por expertos, internos ou externos, funcionalmente independentes das autoridades responsables da execución dos programas. Todas as avaliacións poñeranse a disposición do público.
De acordo co Art. 19.6 do Regulamento (UE) Nº 1304/2013 relativo ao FSE, durante o período de programación se avaliarán como mínimo dúas veces a eficacia, a eficiencia e o impacto do financiamento conxunto do FSE e a asignación específica concedida á Iniciativa de Emprego Xuvenil, tamén para a execución da Garantía Xuvenil. Decidiuse pola Autoridade de xestión do PO Emprego Xuvenil 2014-2020 que a primeira avaliación completarase como moi tarde o 31 de decembro de 2015, e a segunda, como moi tarde o 31 de decembro de 2018.
O Plan Estratéxico Nacional de Avaliación FSE 2014-2020 recolle que, ademais das avaliacións obrigatorias establecidas a través do Regulamento, levaranse a cabo catro avaliacións temáticas: Igualdade de xénero (31 de decembro 2018), Abandono escolar cedo (31 de decembro 2020), Apoio do FSE na creación de emprego de calidade (31 de decembro de 2020) e Inclusión social (31 de decembro 2020).
Todas as avaliacións deberán ser examinadas polo Comité de Seguimento do PO e enviadas á Comisión. Por iniciativa propia, a Comisión poderá facer avaliacións dos programas.
As avaliacións ex-post, que deberán completarse como máximo o 31 de decembro de 2023, serán levadas a cabo pola Comisión ou polos Estados membros, en estreita colaboración.
O Plan de Avaliación do PO Emprego Xuvenil 2014-2020 está integrado por dous partes: unha parte xeral, que é común a todos os programas do FSE de España e que se recolle no "Plan Estratéxico Nacional de Avaliación do FSE. Período de programación 2014-2020", e unha parte específica do propio PO, que se recolle no "Plan de Avaliación durante o Período de programación 2014-2020. PO de Emprego Xuvenil".
- Avaliación da implementación e os resultados das actuacións do Programa Operativo de Emprego Xuvenil (POEX) no período 14-20 financiadas en Galicia e xestionadas pola Xunta de Galicia (novembro 2023)
- Avaliación da implementación e os resultados das actuacións do Programa Operativo de Emprego Xuvenil (POEX) no período 14-20 financiadas en Galicia e xestionadas pola Xunta de Galicia. Resumo (novembro 2023)
- Avaliación da implementación e os resultados das actuacións do Programa Operativo de Emprego Xuvenil (POEX) no período 14-20 financiadas en Galicia e xestionadas pola Xunta de Galicia. Resumo (versión en inglés) (novembro 2023)
- Segunda Avaliación Intermedia do PO Emprego Xuvenil. Informe final (xuño 2019)
- Segunda Avaliación Intermedia do PO Emprego Xuvenil. Resumo Executivo (xuño 2019)
- II Avaliación da iniciativa do PO FSE Emprego Xuvenil 2014-2020 (decembro 2018)
- Avaliación Intermedia do PO FSE Emprego Xuvenil 2014-2020 (xullo 2017)
- Plan Estratéxico Nacional de Avaliación do FSE. Período de programación 2014-2020 (xullo 2016)
- Plan de Avaliación Específico do PO de Emprego Xuvenil 2014-2020 (xuño 2016)
- Plan de Avaliación durante o Período de Programación 2014-2020. Programa Operativo de Emprego Xuvenil (novembro 2015)
- Primeira Avaliación da Iniciativa de Emprego Xuvenil 2014-2020
Documentos asociados
- Orientacións sobre indicadores FSE 2014-2020 (UAFSE, abril 2018)
- Estratexia de Comunicación do PO FSE de Emprego Xuvenil (Versión 1: xuño 2016)
- Guía de recomendacións para incorporar o enfoque de xénero nos Plans de Avaliación, TDR e Informes de Avaliación 2014-2020. Grupo de Traballo de Seguimento e Avaliación con enfoque de xénero 2014-2020 (marzo 2017)